Anoetako Belodromoan izan dira Laudio Atletismo Taldeko gazteak asteburuan

Aimar Gutierrez Bidarte 2023ko otsailaren 21a
Deskargatu Info Ahotsak :

Gaizka Jurado Anoetako Belodromoko podiumean. / Alberto Talledo

Euskadiko Pista Estaliko Txapelketan egon dira Laudio Atletismo Taldeko gazteak asteburu honetan, Donostian. Gaizka Jurado  igo zen podiumera, 3. postua lortuta 16 urte azpikoen 600 metrotan.

Anoetako Belodromoan lehiatzen aritu dira Laudio Atletismo Taldeko gazteak. Euskadiko Pista Estaliko Txapelketan neurtu ziren atleta laudioarrak, 15, 18 eta 20 urte azpikoen kategorian. 

Denboraldiko erritmoa hartuz doazela aitortu dute klubeko kideek, eta 300 eta 1.500 metrotan podiumetik oso gertu geratu ziren. Podiumera igotzea lortu zuena Gaizka Jurado izan zen. Juradok hirugarren postua lortu zuen 16 urte azpikoen 600 metrotan.

Asteburuko ekintza gehiago

Laudioko atleten jarduna, ordea, ez da Anoetako Belodromora mugatu. Taldeko bi kide Bartzelonako Mitjan lehiatzen egon dira. Gainerako kideak Laudioko Herri Krosean aritu dira buru-belarri, bai lasterka, baita boluntario lanetan ere.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide