LAUDIOKO MUGIMENDU FEMINISTA

"Aurten ere aldarrikatzera goaz, baina guztion ahotsak behar ditugu"

Izar Mendiguren Cosgaya 2023ko ots. 23a, 07:57
Deskargatu Info Ahotsak :

Iazko martxoaren 8ko irudi bat. / Aiaraldea.eus

Martxoaren 8a dela-eta, elkartu eta antolatzeko deialdia egin du Laudioko Mugimendu Feministak. Igandean izango da prestaketarako asanblada irekia.

Laudioko Mugimendu Feministak etxez etxe zabaldu du oharra, saretu eta antolatzeko deia zabaltzeko. Otsailaren 26an, igande honetan, egingo dute asanblada irekia, 18:00etan Laudioko Herriko plazako erabilera anitzeko aretoan. Nabarmendu dutenez, indarra erakusteko garaia da: "Aurten ere kalera goaz, baina antolatuta joan behar dugu. Aldarrikatzera goaz, baina guztion ahotsak behar ditugu". 

"Berriakeko emakumeek greba irabazi zutenean, Tubacexeko piketean autobusa ez pasatzea lortu genuenean, Herriko plaza gure arteko dantza eta konplizitatez bete dugun guztietan... Elkarrekin egin dugu"

Ildo beretik, azken urtean ekimen feministek izandako erantzun eta emaitza azpimarratu dituzte: "Berriakeko emakumeek greba irabazi zutenean, Tubacexeko piketean autobusa ez pasatzea lortu genuenean, amatasunez, dekolonialitateaz edo zaintzaz hitz egiteko elkartu garenean, Herriko plaza gure arteko dantza eta konplizitatez bete dugun guztietan... Elkarrekin egin dugu". Elkartasunetik saretzerako jauzia eman nahi dute, ordea. Hori dela eta, ahalegin berezia egin dute martxoaren 8ko egitaraua elkarren artean osatzeko, edota Laudioko Mugimendu Feminista anizteko. 

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide