Altzarrate izena izango du Latiorro auzoko futbol zelaiak aurrerantzean. Inaugurazio ekitaldia egin zuten atzo kirol zelaian, eta Laudioko futbolari ohiak zein Athletic Klubekoak izan ziren protagonista nagusi.
Inauguraketa, ordea, 12:00etan izan zen, Altzarrate kirol elkarteak antolatuta. Lehenbizi herriko apaizari eman zioten hitza zelaia bedeinkatzeko, eta jendetza batu zen norgehiagoka zein aurkezpena zuzenean ikustera. Izan ere, ordezkari politikoak ez ezik, futbolari ezagunak ere hurbildu ziren Laudiora.
Ohorezko aurreskuaren txanda izan zen segidan, eta Arkaitz Eskuza pilotariari eman zioten lehen sakea egiteko ohorea. Ez zen izan, ordea, omendu bakarra. Jose Anjel Iribar Athletickeko jokalari ezagun ohiari ere oroigarria eman zioten, urtemuga medio. Ondoren, talde argazkien parada heldu zen.
12:15 aldera hasi zen Laudio eta Athletic taldeko kide ohien partida, eta zuri-gorri bizkaitarrak gailendu ziren, etxekoei 5-0 irabazita.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide