Beste behin ere, jende andana biltzea lortu du Laudioko Mugimendu Feministak martxoaren 8an. Arratsaldeko lehen orduan ekin diote Herriko plaza girotzeari. Txokolate jana eta zapien salmenta postua jarri dituzte lehenbizi. Emakume sahararren dantza erakustaldia egon da jarraian, Etawasol elkartean eskutik, eta "dantza herrikoia" egin dute gero. Tartean, elkarretaratzea egon da udaletxe aurrean, Udalak eta herriko hainbat emakume elkartek deituta.
19:30ean ehunka lagun bildu dira plazan, mobilizazioan parte hartzeko prest. Herriko kale nagusiak zeharkatu dituzte, hainbat aldarri eta oihuren artean.
Plazan egin dute amaiera ekitaldia. Bertan, mugimendu feministako kideez gain, Madres Mercedariaseko langileek ere hartu dute hitza, eta zaintza lanak kolektibizatzeko beharra jarri dute mahai gainean. Bukatzeko, Euskal Herriko Mugimendu Feministak iragarritako greba deialdiarekin egin dute bat, pankarta zabalduta eta bengalak piztuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide