Aretako eskolako 2 urteko gela ez ixteko sinadura bilketa abiatu dute

Izar Mendiguren Cosgaya 2023ko mar. 26a, 08:12
Ostiraleko mobilizazioko irudi bat. / SOS Areta Eskola

SOS Areta Eskola plataformak sinadurak biltzeari ekin dio Aretako eta Laudioko 16 saltokietan. Astelehenean Laudioko osoko bilkurara bertaratzeko deialdia ere zabaldu dute.

Ostiralean egin zuen SOS Aretako Eskolak lehenbiziko mobilizazioa, Hezkuntza Sailak 2 urteko gelaren itxiera iragarri baitu. Aretako Eskolako hezkuntza komunitateak sare sozialetan zabaldu du esker mezua: "Atzoko ajea igaro eta gero, eskerrak ematea dagokigu. Eskerrik asko Lamuza, Latiorro, Mendiko eta Zabaleko ikastetxeetatik gurekin bat egin zutenei. Eskerrik asko Laudio gurekin enparatzan bete zutenei. Eskerrik asko ARETA behin eta berriro herria garela, sentimendua garela erakusten duzuelako".

Atxikimendu kanpaina

Asteleheneko udalbatzan hitza hartzeko asmoa aurreratu zuten asteburu hasieran eta, bertaratzeko deialdia zabaltzeaz gain, sinadura bilketa hasi dute. Hain zuzen, Aretako eta Laudioko 16 gunetan atondu dute atxikimendu kanpaina:
  • Elei lurrindegia
  • Rivera farmazia
  • Blanco taberna
  • Gorka taberna
  • Eroskiko kafetegia
  • Matxintxu Haurreskola
  • Leize taberna
  • Solaun farmazia
  • Zuhaitza liburu-denda
  • Gatxeto estankoa
  • Laudio EPA Ikastetxea
  • Resa etxea
  • Laudio BHI
  • Lauri taberna
  • La Vitoriana okindegia
  • Ayala bideokluba 

May be an image of 5 pertsona eta text that says 'QUIEREN CERRAR EL AULA DE 2 AÑOS DE ARETA ELKARRETARATZEA LAUDIOKO HERRIKO PLAZAN MARTXOAK 27, ASTELEHENA, 17:30 ARETAKO ESKOLIZ harro!! IGORA EUS ESKOLA bi urt eko gela arriskuan PTA'

 
Hezkuntza Laudio Areta

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide