Martxoaren 25ean jokatu zen Arabako Kuadrilla arteko bertsolari txapelketako finala Laudion. Egun osoko egitaraua prestatu zuen Arabako Bertsozale Elkarteak. Goizean bertso-poteoa egin zuten herrigunean barrena, eta ekimenean parte hartu duten bertsolari gazteek zein beteranoek kantatu zuten. 14:00etan, aldiz, bazkaria burutu zuten Laudio BHI institutuan, eta Intxixu taldearen kontzertua egon zen ondoren.
"Laudio BHI institutuan burutu genuen finala. Gaztez eta hasiberriz betetako 3 taldek hartu zuten parte, eta 120 lagun inguru elkartu ginen"
'Katuko muñoak' taldeak irabazi du 2023ko txapelketa, 'Izena pentsau bida' eta 'Errexala' talde finalistak garaituta. Uxue Diaz de Cerio Arabako Bertsozale Elkarteko kidearen hitzetan, "fenomeno" joan da ekimena. "Laudio BHI institutuan burutu genuen finala. Gaztez eta hasiberriz betetako 3 taldek hartu zuten parte, eta 120 lagun inguru elkartu ginen".
Ekimenari buruzko informazio guztia Bertsozale.eus webgunean topa daiteke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide