Hurrengo astelehenean, apirilaren 17an, eguerdiko 12:00etan Kultura Etxeko Arraño Aretoak hartuko du Cosecha del 48 elkartearen liburuan aurkezpena. Ekitaldi irekia izango da eta egindako 25 urteko ibilbidea jasoko du testuak.
Lana doan banatuko da. 250 ale argitaratu dituzte eta egunean bertan banatuko dituzte. Kopia guztiak agortuz gero, modu digitalean zabaltzeari ekingo diote.
Laudioko Udalaren eta Vital Fundazioko laguntzarekin, 'Cosecha del 48. 25 años' liburuak 140 orrialde ditu eta herriko alkatearen eta Vital Fundazioko presidentearen aurkezpenak ez ezik, elkartearen idazkariaren edota Juan Carlos Navarroren testuak ere biltzen ditu, baita 1948ko herriko jaien pregoia eta egitaraua.
Navarrok Laudioko egoerari buruz idatzi du, 1948. urteari dagokionez, hain zuzen.
Gainerako edukiek -bai argazkiek, zein margolanek zein testuek- elkartearen jardueraren berri ematen dute. Hau da, alde batetik aipatzen dituzte omendutako kultura eragile guztiak (Antonio Laguna, Floro Urquijo, Juan Jose Salazar, Maria Angeles Arbaizagoitia...).
Bestetik, taldeak egindako kultura bidaiak, ardo dastatzeak, gastronomia topaketak eta Berakatz Zopako Kofradiaren bizipenak laburbiltzen ditu.
Aipatzekoa da irudi ugarirekin osatu dutela testua eta, adibidez, azala Antonio Aldama margolari laudioarraren lana da.
Apirilaren 22an jaia
Azpimarratu beharra dago aurkezpena badagoela Cosecha del 48 elkarteko 25. urteurrenaren ospakizunen barruan eta apirilaren 22an izango dutela jai nagusia. 48 euro balioko du bazkarian eta jai osoan parte hartzea eta dsarrera Laboral Kutxako ES35 303500 4523045 11 69796 zenbakiko kontuan egin behar da.