Sahararen aldeko euskal karabana maiatzaren 13an, larunbatean, abiatuko da Laudiotik. Otsailean Euskal Autonomia Erkidegoan Piztu itxaropena kanpainaren barruan bildutako elikagaiak Tindufeko errefuxiatue-kanpaleku sahararretara eramango dituzte kamioiek. Horretarako Alacantera joko dute eta handik itsasontziz Algeriara joango dira.
Berez, egitasmoa 10:00etan hasiko da eta jakiak ekainean eta uztailean banatuko dituzte errefuxiatuen artean. Saharako Errepublika Arabiar Demokratikoaren lagunek antolatzen dituzte bilketa eta Laudiotik abiatzen den bidaia.
Gogoratu beharra dago urte luzez Marokoren eta Polisario Frontearen artean egondako su etena urratu zuela iaz armada marokiarrak eta bortizkeria Saharara itzuli dela. Ondorioz, kanpalekuen egoerak okerrera egin du.
Hirugarren aldiz Laudiotik
Aurtengo edizioarekin hiru aldiz abiatu da karaban Laudiotik. Lehena 2014an izan zen eta Aiaraldean 4.900 elikagai-kiloko ekarpena egin zuten.
2019an, ordea, 250 tona elikagai bildu zituzten EAE osoan eta horietatik 3.750 Aiaraldean jaso zituzten.