Egun osoko egitaraua prestatu zuten larunbatean Laudio Ikastolan ikasturte amaiera ospatzeko. Ehunka lagun batu ziren egun osoan zehar, ikasle, ikasle ohi, langile eta gurasoen artean.
Goizean umeentzako ekintzak izan ziren nagusi. Eguerdian, aldiz, bi omenaldi egin zituzten. 1993. urtean jaiotako ikasle ohiak omendu zituzten lehenbizi, aurten 30 urte betetzen dituztelako. Ondoren, Juan Mari Ugalde Etxabe atezain ohia oroitu zuten, iragan martxoan zendu baitzen.
Baina herri bazkaria izan zen ekintzarik jendetsuena. 300 lagunetik gora bildu dira zentroko frontoian eginiko otorduan. Ondoren, arratsaldera arte luzatu zen giroa, bingo eta erromeriarekin.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.