Laudioko Granja kiroldegiak saskibaloiko lauko final berria hartuko du asteburu honetan eta Sugarrak klubeko kadete mailako kirolariek euren esku izango dute txapelketa irabaztea.
Izan ere, larunbatean 18:00etan Urkide A taldearekin neurtuko dituzte indarrak eta, irabaziz gero, finala jokatuko dute igandean bertan ordu berean. Beste finalerdian San Prudencio eta Mendelakua arituko dira nor baino nor.
Arabako kadete kategoriako eskola txapelketa izango da jokoan eta Sugarrakeko kirolariek prozesu luzea bete behar izan dute lauko finalean egoteko. Hain zuzen, lehenik eta behin ligaxka jokatu dute eta bigarren sailkatu dira A multzoan, hau da, txapelketa irabazteko aukera ematen duen horretan.
Klubeko presidenteak uste du irabazteko parada badutela, talde guztiekin jokatu baitute eta guztiei irabazi diete behin gutxienez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
