Laudioko Kultura Etxean jarritako Expopins erakusketa ikusteko epea larunbatean agortuko da. Astelehenean inauguratu zuten eta gaur arte 17:00etatik 20:00ak arte egongo da ikusgai. Bihar, ordea, 10:30etatik 13:00ak arte mantenduko dute.
Egitasmoaren bultzatzaileak Justino Arto, Aitor Isasi eta Prudencio del Rio aiaraldearrak dira. Hirurak dira bildumazale amorratuak eta hainbat urte bideratu dituzte pinak biltzera. Milaka ale metatu dituzte eta Kultura Etxean dagoena horren lagina baino ez da.
Ikusgai daudenak kirola, toponimia edota naturari daude loturik eta, horrez gain, elkartasun deia zabaldu dute. Hain zuzen, AEFAT elkartearen aldeko itsulapikoa jarri dute, ikusleek ekarpena egin dezaten ataxia telangiectasia gaixotasunaren ikerketan laguntzeko.
Bildumazale talde honek asmoa dauka eskualdeko zein kanpoko herritan jartzeko erakusketa, baina irailetik aurrera izango da hori.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
