Indartsu datoz Ugarteko Jaiak. Uztailaren 28tik 31ra izango dira Laudioko auzo horretako festak; hau da, aurreko urteetan baino egun bat gehiago iraungo dute, ostiraletik astelehenera arte luzatuz.
Lehen begiratuan, kontzertu eskaintza da arreta gehien deitzen duen puntuetako bat. Izan ere, Euskal Herriko bi talde ezagunek joko dute: Lukiek eta Dupla. Horrez gain, erromeriak egongo dira ostiral zein larunbatean, eta DJak ostean, gaua goizeko ordu txikietara arte luzatzeko. Antolatzaileek azaldu dute euskal musikari presentzia ematea izan dela irizpide nagusia emanaldiak lotzerako orduan, eta horretatik egin dutela aipatutako taldeen aldeko hautua.
Baina giroa ez da gauera mugatuko, eguneko eskaintza ere oparoa izango dela aurreratu dute jai batzordeko kideek. Aurreko urteetako jarduerak mantendu dituzte, baina tartea hartu dute baita berrikuntza batzuk txertatzeko. Astelehenean, adibidez, auzoa ezagutzeko txangoa egingo dute goizean.
Basoa espazioa bidelagun
Ugarteko plazan egingo dira ekintza gehienak, baina auzoko beste espazio batzuetara ere zabalduko dute jai giroa. Basoa izango da horietako bat. Bertan egingo dituzte haurrentzako ekintza gehienak. “Proiektu potentea da Basoa espazioa, eta gune hori ezagutzera emateko baliatu nahi dugu aukera”, azaldu dute.
Egungo batzordeak 2018.urtetik darama jaiak antolatzen, eta nahiko trebatuak daude dagoeneko, azaldu dutenez. “Lehen urtea oso kaotikoa izan zen”, aitortu dute taldeko kideek, “azken urte hauetan ere azken unean metatu da lan garrantzitsuena, baina gauzak erraztu dizkigu aurreko urteetako esperientziak. Udalarekin tramiteak burutzean lortutako ezagutzek edo beste elkarteekin eginiko kontaktuek asko arindu digute jaien prestaketa prozesua”.
Gainera, belaunaldi aldaketa bermatuta dutela dirudi, gazteak baitira batzordea osatzen duten pertsona gehienak.
EGITARAU OSOA
UZTAILAK 28, OSTIRALA
16:30 // Benjamin mailakoen futbito txapelketa
17:00 // Umeentzako ipuin kontalaria SORGINLARREN taldearen eskutik
17:30 // Alebin mailakoen futbito txapelketa
18:00 // Pintxo-pote karaokea Gorbea tabernan
18:30 // Infantil mailakoen futbito txapelketa
19:30 // Jai hasierako txupinazo iragarlea.
20:00 // Talo tailerra, txistorra eta urdai jana txosnagunean AUZOLAN taldeak antolatua.
20:00 // Kadete mailakoen futbito txapelketa finala.
21:15 // Zumba Izaskun del Cerroren eskutik.
23:00 // Kontzertuak:
LUKIEK
AKERBELTZ
HBN
UZTAILAK 29, LARUNBATA
09:00 // Baserritar eta artisau azoka txosnagunean
11:00etatik 13:30ak arte umeentzako gunea puzgarri, ohe elastikoa, txotxongilo eta jolasekin Basoa espazioan KIRIKINO taldearen eskutik
12:00 // Kalejira AGRUPACIÓN MUSICAL SAN ROKE taldearen eskutik.
13:00 // Poteoa ARLOTEEN eskutik.
15:00 // San Inazio bazkari herritarra txosnagunean (ticketak Ugarteko tabernetan salgai).
Jarraian, Igel txapelketa eta Futbolin txapelketa.
16:00 // Mus azkar txapelketa Gorbea tabernan
(*izen ematea 15:00ak arte tabernan bertan)
17:30 // Senior mailakoen futbito txapelketako 3. eta 4. postua.
18:00 // Buruhandiak GALTZAGORRI taldearen eskutik.
18:30 // Jubenil mailakoen futbito txapelketa finala.
19:30 // Senior mailakoen futbito txapelketa finala.
Jarraian, futbito txapelketako sari banaketa.
21:00 // Sardina jana txosnagunean AUZOLAN taldeak antolatua.
23:30 // Kontzertuak:
DUPLA
BIDEAN ERROMERIA
DJ MASA
UZTAILAK 30, IGANDEA
09:00etatik herriko plazatik hasita kalejira LANKAIETAKO LAGUNAK taldearen eskutik Ugarteraino.
11:30 // Umeentzako Koloreak Bizi ikuskizuna txosnagunean
12:00etatik aurrera Pulpeiro-a
13:00 // Tortila txapelketaren aurkezpena txosnagunean. (*Izen ematea 12:30etan)
Jarraian, tortila txapelketaren sari banaketa.
13:30 // Poteoa ARETAKO TXISTULARIEN eskutik.
14:30 // Sukalki herrikoia Gorbea tabernan
(*errazioak tabernan bertan salgai)
16:00 // Tute txapelketa Ugarte tabernan
UZTAILAK 31, ASTELEHENA UMEAREN EGUNA
11:30 // Ugarte ezagutuz, ibilaldi gidatua txosnagunetik hasita
12:00 // Meza San Inazio Elizan
Jarraian Txori txiolarien lehiaketa
17:00 // Itu txapelketa Gorbea tabernan
(*izen ematea 16:00ak arte tabernan bertan)
17:30etatik 20:00ak arte umeentzako gunea Kalaka egurrezko jolasak, eskalada jolasak eta ur jolasekin Basoa espazioan KIRIKINO taldearen eskutik
19:30 // Lokotx bilketa txapelketa txosnagunean (*izen ematea txosnan 19:00ak arte).
Jarraian, txinga txapelketa
22:00 // JAI AMAIERA TRAKA
UZTAILAK 1, ASTEARTEA
Barraketan prezio murriztua