Erakunde publikoek ere adierazi dute Guardian enpresaren errua dela Glavista konpainiaren blokeoa

Aitor Aspuru Saez 2023ko uzt. 12a, 16:30
Laudion hainbat mobilizazio egin dituzte aurten Glavistaren egoerari lotuta. / Aiaraldea.eus

Guardian enpresako langile batzordeak bilera egin zuen atzo Laudioko Udalarekin. Erakunde publikoa ados dago Glavista enpresaren blokeoaren arduraduna Guardian delaren iritziarekin.

Guardian enpresako sindikatuen ordezkariek bilera egin zuten atzo Laudioko udal gobernu taldearekin eta horrek jakinarazi zien nola dagoen Glavista konpainia berriro irekitzeko prozesua.

Zehazki, Udalak mahai gainean jarri zituen erakunde publikoen ondorioak. Izan ere, Eusko Jaurlaritzako Industria Sailburuak, Arabako Foru Aldundiak eta Glavistako Zordunen Lehiaketako arduradunek uste dute Javier Garciak egindako erosketa eskaintza serioa dela eta inbertsoreen bidez babestuta dagoela. Horrela ziurtatu du Merkataritza Epaitegiak ere.

Hori dela eta, Glavistaren etorkizunean oztopo bakarra da, euren ustez, Guardian Industries konpainiak duen jarrera, lantegiko lursailen salmentari uko egin diolako.

Guardianen gezurrak

Sindikatuek adierazi dute erakundeen ondorioek agerian utzi dituztela Guardian enpresako zuzendaritzak esan dizkien gezurrak, salmenta gauzatzeko hirigintza arazoak zeudela, adibidez.

Halaber, langile ordezkariek azpimarratu dute eurei emandako argudioak eta Eusko Jaurlaritzari eskainitakoak ezberdinak izan direla.

Azkenik, sindikatuek adierazi dute inork ez duela ulertzen Guardianen jarrera, salmenta berarentzat ere izango litzatekeelako onuragarria. Gainera, uste dute jokaera horrek zalantzak sortzen dituela ez bakarrik Glavistaren eta bertako 240 lanpostuen inguruan, baita Guardian Laudioren inguruan ere.

Mobilizazioak

Bitartean, Glavistako langileek bi mobilizazioa gehiago deitu dituzte. Bat bihar izango da 12:00etan Laudioko Udaletxearen aurrean eta bestea ostiralean ordu berean Guardian enpresako lantegiaren sarreran.

Astelehenean egin zuten prentsaurrekoa eta elkarretaratzea toki horretan, azken asteetan gertatutakoak jendarteratzeko:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide