Autoglas-Glavistako egoera, Udal Osoko Bilkurara

Erredakzioa 2023ko uztailaren 31
Deskargatu Info Ahotsak :

Plenoan hartu dute hitza langileek. / Eriz Sansebastian

Ixteko arriskuan dagoen enpresako langileek hitza hartu dute gaur arratsaldeko bilkuran. Udal ordezkariek, euren aldetik, duela astebete plazaratutako adierazpen instituzionala berretsi dute.

Elkarretaratzea egin dute Autoglas-Glavistako langileek gaur arratsaldean Laudioko Herriko plazan, 17:30etik 19:00etara. Ordu tarte hori ez dute kasualitatez hautatu. Izan ere, 18:00etan hasi da uztaileko Udal Osoko Bilkura, eta beharginak udaletxeko udalbatzar aretora igo dira euren aldarriak plazaratzera. 

Azken asteetan eginiko irakurketa errepikatu dute langileek udal ordezkarien aurrean, eta eskaera zehatza luzatu diete: bizitzen ari diren egoerari “benetako eta berehalako konponbide bat” bilatzen jarraitzea, “horrela Laudioko lantegiaren etorkizuna bermatzeko”. 

Udal ordezkariek, euren aldetik, duela astebete plazaratutako adierazpen instituzionala irakurri dute, eta talde politikoetako bozeramaileek elkartasun mezuak helarazi dizkiete langileei. 

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide