Gaur ekin diote ikasturte berriari Laudioko pentsiodunek. Astelehen guztietako dinamikari jarraiki, Herriko plazan bildu dira, baina ez dira bakarrik egon. Autoglas-Glavistako langileak batu dira elkarretaratzera, eta hitza hartu dute, bizi duten egoerari buruzko azken albisteak partekatzeko.
Berez, langileek ez dute iragan astean baino informazio gehiago zabaldu. Berriz nabarmendu dute berebizikoa izango dela irailean gertatzen dena, hilabete amaieran agortuko delako egun indarrean dagoen Enplegua Aldi Baterako Erregulatzeko Espedientea, eta litekeena delako horren ostean langile guztiak kaleratzeko prozedura abiatzea, aurretik egoera bideratzen ez bada.
Gauzak hala, mobilizazioei ekingo dietela errepikatu dute beharginek, eta nabarmendu dute instituzioetara ere joko dutela. Pentsiodunek, euren aldetik, elkartasuna helarazi diete kaleratzeko arriskuan dauden 240 langileei.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide