Laudiok udako pagotxen merkatua hartuko du ostegunetik larunbatera bitartean

Jone Gartzia Gerra 2023ko ira. 5a, 11:44
Deskargatu Info Ahotsak :

Iazko iraileko pagotxen merkatua. / Aiaraldea.eus

Hiru egunez udalerriko 28 saltokitan udaberri-uda denboraldiko produktuak prezio merkean eskuratu ahalko dituzte laudioarrek. Erosleek, gainera, aukera bikoitza izango dute ‘Ongi etorri udazkena’ zozketan.

Irailaren 7an, 8an eta 9an Laudioko 28 saltokik kalera aterako dituzte beren udaberri-udako produktu beheratuak. Denda aurrean eskuragarri egongo dira moda jantziak, oinetakoak, osagarriak, lentzeria, kirol arropa, kirol arropa... bai eta argazkigintza, tapizgintza zein lurringintza produktuak ere, besteak beste.

APILLek urtero antolatzen duen pagotxa merkatua da hau. Elkarteak jakinarazi duenaren arabera, euria eginez gero saldoak saltokien barruan egongo dira eskuragarri. Gainera, hiru egun hauetan pagotxen merkatuan parte hartuko duten dendetako batean erosten dutenek aukera bikoitza izango dute astelehenean abiatutako Ongi etorri udazkena kanpainaren zozketan.

Urriaren 20an 1.000 euroko erosketa-txartel bat zozkatuko du Laudioko Merkatarien Elkarteak. Bertan parte hartzeko herriko saltokiren batean egindako 10 eurotik gorako erosketen tiketak Laudio Berrikusi aplikazioan kargatu besterik ez da egin behar. Udako pagotxen merkatuan egindako erosketen tiketak ‘Zozketak’ ataleko ‘Pagotxen merkatua’ karpetan igo behar dira.

Hauek dira irailaren 7tik 9ra bitartean udako pagotxen merkatuan parte hartuko duten establezimenduak:

  • 1971

  • BAZAR SAN JOSÉ

  • CALZADOS KARAM

  • CALZADOS ROIZ

  • CAN CAN

  • CHAROL

  • DISTIRA FOTÓGRAFOS

  • EZ&BAI

  • GOXOH

  • IRRINTZI EUSKAL JANTZI DENDA

  • KOTOI LENCERÍA Y MODA INFANTIL

  • KUKUMA

  • LOS CHICOS

  • MIGOLA

  • MIMITOS

  • MODAS CHARITO

  • MOKKA

  • MONAI

  • NINA LIFE STYLING

  • OLYMPUS KIROL DENDA

  • PERFUMERÍA IRUSTA

  • SEVER CALZADOS

  • STILETTO

  • TAPICERÍA JUAN

  • TRECE13

  • TXIMELETA BOUTIQUE

  • UNAN JANTZI DENDA LEVI'S

  • ZAPATERÍA NOBUCK

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide