Laudion ere salatu dute Galder eta Aitorren aurkako espetxeratze agindua

Txabi Alvarado Bañares 2023ko irailaren 22a
Deskargatu Info Ahotsak :

Bi gazteei elkartasuna adierazteaz gain, irailaren 30ean Gasteizen egingo den mobilizazio nazionalera bertaratzeko deia zabaldu dute. 

Dozenaka lagun bildu dira gaur iluntzean Laudioko Herriko plazan deitutako elkarretaratzean. ANkerkeriari Stop plataformak antolatu du protesta, Galder Barbado eta Aitor Zelaiaren aurkako espetxeratze agindua salatzeko. Euskal Herri osoko dinamika baten barruan kokatu dute ekimena. Izan ere, gaur hainbat mobilizazio egin dira Euskal Herri osoan bi gazteen aurkako auzia salatzeko, eta bide mozketa zein kateatzeak ere egon dira Bilbo, Gasteiz edota Hernanin, besteak beste. 

Laudioko zitan, antolatzaileek elkartasuna adierazi nahi izan diete 4 urteko kartzela zigorra bete beharko duten bi gazteei, eta irailaren 30ean Gasteizen egingo den mobilizazio nazionalera bertaratzeko deia zabaldu dute. 

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide