Guardian multinazionalak Tuteran duen lantegira eraman dituzte aldarrikapenak Autoglas-Glavistako beharginek

Aitor Aspuru Saez 2023ko irailaren 25a

Glavistako langileak Tuteran egon dira gaur. / ELA

Nafarroara eraman dituzte euren aldarrikapenak Autoglas-Glavista enpresako langileek gaur. Hain zuzen, elkarretaratzea egin dute Guardian konpainiak Tuteran dituen azpiegituretan, salatzeko multinazionala Autoglas-Glavistaren iraupena ahalbidetuko dezakeen erosketa oztopatzen ari dela.

Gaur Nafarroan mobilizazioa egin dute Autoglas-Glavista enpresako beharginek. Tuteran izan da protesta, Guardian multinazionalak duen faktoriaren aurrean. Exijitu dute egungo jarrera oztopatzailearekin amaitzea, Autoglas-Glavistako 240 lanpostuak salbatzeko.

ELA sindikatuek zabaldu duenez, beharginen egoera kritikoa da: "Plantilla aldi baterako enplegu erregulazioan dago irailaren 30era arte. Industria proiektua zehazten ez bada, 240 langilek lana galduko dute".

ELAk adierazi du Guardianen ardura dela egun dagoen blokeo egoera. Izan ere, Guardianek uko egin dio Autoglas-Glavistaren lantegiaren kokalekua diren lurrak saltzeari. Gogoratu dute 2020an Guardianek Autoglas-Glavistaren plantilla desegin zuela enpresa Parter Capital funts putreari saltzeko. "Bere erantzukizuna izan zen 2020an, eta hala izaten jarraitzen du 2023an ere", nabarmendu dute.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide