Modu horretan, multinazionalak Autoglas-Glavistaren egungo egoeran eta 240 langileen kaleratzean duen ardura jarri nahi izan dute mahai gainean, beste behin ere.
Elkarretaratzea egin dute Autoglas-Glavistako langileek gaur eguerdian Guardianen atariaren parean. Euri zaparrada bota duen arren, dozenaka lagun bildu dira multinazionalaren fabrikaren parean, eta barruko patiora sartu dira gero. Bidean, pegatinaz eta kartelez josi dituzte fabrikako pareta, kartel eta bestelako elementuak. Modu horretan salatu nahi izan dute multinazional estatu batuarrak Autoglas-Glavistaren egungo egoeran duen ardura.
Kontuan hartu behar da iragan astean epaileak arrazoia eman ziela sindikatuei, eta Enplegua Erregulatzeko Espedientearen prozesuan parte hartzera derrigortu zituela Guardian bera zein Parter Capital inbertsio funtsa. Langileen ordezkariek nabarmendu dutenez, epailearen autoak iradokitzen du bi entitate horiek "enpresa-talde" bat eratu ahal izan dutela Autoglas-Glavistaren salmenta planifikatzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide