Gerraren aurkako aldarri kolektibo anitza, Laudion ikusgai

Txabi Alvarado Bañares 2023ko azaroaren 12a

KulturLab-en lokalean ikusi daiteke erakusketa kolektiboa, eta hainbat jarduera egingo dituzte datozen asteetan ekimena aberasteko.

Ostiralean inauguratu zuten Gerra eta denbora erakusketa KulturLab-ek Laudioko Elizalde kalean duen lokalean. Gasteizen sortu zen erakusketa kolektiboa, eta bertan ikusgai egon ziren lanak ekarri dituzte orain Laudiora, herriko hainbat sortzaileren ekarpenak gehituta.

Gerraren aurkako aldarriaren inguruan hausnartzea da ekimenaren xede nagusia. Horretarako, artista bakoitzak bere ikuspuntu eta teknika propioak baliatu ditu. Gauzak hala, koadroak, margolanak, eskulturak zein bestelako instalazioak uztartu dituzte lokaleko metro karratu eskasetan.

Ekintza gehiago

Erakusketa ikusgai egongo da datozen asteetan, bertaratu nahi duen ororentzat eta beste ekintza batzuk ere antolatuko dituzte bere inguruan. Alde batetik, solasaldiak egongo dira ekimenean parte hartu duten artistekin, azaroko ostegun guztietan 18:00etatik aurrera. Gaur -igandea-, aldiz, lau bertsolari arituko dira lokalean, 12:30etatik aurrera: Izar Mendiguren, Asier Otamendi, Ricardo Gonzalez de Durana eta Felipe Zelaieta.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide