Mobilizatzeari ekin diote Guardianeko langileek, Laudioko fabrikarako "etorkizuneko proiektu bat" eskatzeko

Txabi Alvarado Bañares 2023ko aza. 20a, 18:47

Lantegiko sarreran egin dute elkarretaratzea gaur goizean. / ELA

Lanpostuen murrizketa eta inbertsio falta jarri dituzte beharginek mahai gainean, eta Autoglas-Glavistako egoera bideratzea ere eskatu diote multinazionalaren zuzendaritzari. 

Elkarretaratzea egin dute Guardianeko langileek gaur goizean Laudioko fabrikaren sarreran, eta bihar ere errepikatuko dute protesta, 12:00etatik 15:00etara. 

Modu horretan hasi dira mobilizatzen beira ekoizten duen lantegiko beharginak, Laudioko fabrikarentzako "etorkizuneko proiektu bat" eskatzeko. ELA sindikatuak du gehiengoa enpresan, eta lau arrazoi nagusi plazaratu ditu protestarako: inbertsio eza, kontratu finkoa ez duten langileen etengabeko murrizketa, zuzendaritzaren jarrera "guztiz pasiboa" eta Guardianek Glavistarekiko duen "jarrera lotsagarria"

Azken puntu horri lotuta, sindikatuak aldarrikatu du elkarren artean lotuta daudela Guardian eta Glavistaren Laudioko fabriken etorkizunak. Gauzak hala, haizetakoak ekoizten dituen fabrikaren beheralako itxiera "konpontzea eta saihestea" eskatu dio multinazionalari, "bere ardura" dela nabarmenduta. 

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide