Emanaldi hirukoitzaz gozatzeko aukera egon zen atzo Faktorian, Arte Hartze zikloaren barruan. Maite Aizpuruaren txanda izan zen lehenbizi. Sortzaile zumaiarrak Kultur Faktoriaren sormen beka jaso du, eta laguntza horren bidez prestatzen dagoen obraren hainbat pasarte plazaratu zituen publikoaren aurrean. Hainbat testu irakurri zituen, sormen prozesuan zehar idatzitakoak, laguntasunaren ingurukoak guztiak.
Ondoren, Idoia Hernandez 'Hatxe'-k kontzertua eskaini zuen, pianoa eta looperrak baliatuta. Eta bukatzeko, hirugarren platerra: Metrokoadroka sormen laborategiko kideak igo ziren oholtza gainera, sortze prozesuaren azken fasean dagoen Artxibo biluzia obra eskaintzera. Joan Mari Torrealdai Nabearen artxiboak hartu zituzten abiapuntu moduan, errealitatea eta fikzioa umorearekin uztartzen dituen antzezlana plazaratzeko.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide