Larunbateko ordu txikitan izan zen eta Udaltzaingoak zein Ertzaintzak esku hartu behar izan zuten.
Larunbat gauean genero indarkeriari lotutako kasua jazo zen Laudion. Gaueko ordu txikitan larrialdi zerbitzuak mobilizatu zituzten eta Udaltzaingoak hartu zuen bere gain kasua, Ertzaintzaren babesarekin.
Hain zuzen, Ertzaintzaren prentsa bulegoak berretsi du eraso matxista izan zela larunbatekoa. Edonola ere, Udaltzaingoak adierazi du xehetasunik ez duela eskainiko.
Ez da aurten salatu den lehen eraso matxista, eta aurrekoak, gehienbat, jai esparruari lotuta egon dira.
Indarkeria matxista pairatuz edo horren lekuko izanez gero, polizien eta larrialdi zerbitzuen telefonoak (944034888 eta 112) ez ezik, Laudion badago Berdintasun Zerbitzua ere arreta eskaintzeko prest: 944034855.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
