Urtarrileko bigarren hamabostaldi bizia izango dute Aretan, hiru hitzaldirekin

Aitor Aspuru Saez 2024ko urtarrilaren 12a
Deskargatu Info Ahotsak :

Hezkuntza publikoaren egoerari buruzko hitzaldia Aretan. / Aretako Gurasoak

Hiru hitzaldi egingo dituzte urtarrileko bigarren hamabostaldian Aretako Kultura Etxean larrialdiei, sexuari eta Larragorriko parke eolikoari buruz.

Azkenaldian jarduera ugari hartu ditu Aretako Kultura Etxeak eta 2024an ildo beretik jarraitzeko asmoa dutela dirudi. Hain zuzen, hiru solasaldi izango dituzte hurrengo bi asteetan.

Hori baino lehen, dena den, batzarra deitu dute urtarrilaren 15ean Aretako Eguna antolatzeko. 18:30ean hasiko da bilera.

Hiru egun geroago, urtarrilaren 18an, Larrialdi pediatrikoak eta orokorrak mintzaldia eskainiko du Beatriz Pacho pediatrak. 12 urtetik gorakoentzako ekintza izango da, 17:30etik aurrera.

Hileko 24an, aldiz, ingurumena landuko dute, Larragorrin instalatu nahi duten zentral eolikoari buruzko hitzaldiarekin, 18:30ean.

Azkenik, Diana Ibargutxi psikologo eta sexologo laudioarrak Sexu heziketa: pornotik harago solasaldia emango du 17:00etan urtarrilaren 25ean.

Kultura Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide