Debut bikaina egin zuen Uxue Alonsok Zuazoko lehen taldearekin, eskubaloiko bigarren mailan

Aitor Aspuru Saez 2024ko ots. 12a, 14:05
Eskarmentu handiko jokalariekin lehiatu arren, hiru gol egin zituen Alonsok. / Zuazo

Uxue Alonso laudioarrak estreinako aldiz jokatu zuen Zuazo klubeko lehen taldearekin eta, gainera, hiru gol egin zituen.

Uxue Alonso laudioarrak debut aparta izan zuen larunbatean Lasesarreko kirol azpiegituretan Zuazo Eskubaloi Klubarekin. Laudioarrak etekin handia atera zion jokatutako minutuei eta hiru gol egitea lortu zuen. Modu horretan, bere alea jarri zuen taldeko garaipenean CICAR Lanzarote Ciudad Arreciferen kontra, 26-19 irabazi baitzuten.

Alonso Zuazoko filialeko jokalaria da eta larunbateko partidarekin eskubaloiko bigarren mailan aritu da jadanik. Zuazo talde historikoa da kirol horretan eta aurreko denboraldian maila gorenetik jaitsi eta gero, egun sailkapenaren buruan dago eta igoera automatikoa eskuratu dezake.

Alonsoren bosgarren denboraldia da hau Barakaldon baina Laudio Eskubaloi Taldean trebatu zen jokalari gisa. Horrez gain, Euskal Selekzioan ere hautatu dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide