Assata funk taldea ikusteko bi sarrera bikoitz zozkatuko ditu Aiaraldea Komunikabideak
Erredakzioa
2024ko ots. 19a, 19:00
Arrasateko taldearen kontzertua larunbatean izango da 22:00etan eta funk doinuak eramango dituzte Faktoriara. Lau sarreren zozketa aurreko egunean izango da eta hemen parte hartu daiteke.
Arrasateko Assata funk taldeak Oasia diskoa aurkeztuko du Faktorian larunbatean. 22:00etan igoko dira oholtzara eta abesti dantzagarriak partekatuko dituzte publikoarekin. Zortzi abestiko lana plazaratu du bandak, sintetizadorea, kitarra, baxua, bateria eta ahotsa baliatuta, eta letra zorrotzak baztertu gabe.
Hori baino lehen, Dantzatu, madarikatuok! diskoa plazaratu zuten eta, ondorioz, kanta sorta oparoa izango dute Faktoria erro beltzezko musikaz zipriztintzeko.
Interesdunek bi bide izango dituzte kontzertuan parte hartzeko. Alde batetik, zuzenean sarrera erosi daiteke hemen (8 euro bazkidea ez bazara eta 6 bazkide izanez gero). Bestetik, Aiaraldea Komunikabideak egingo duen zozketan izena eman daiteke, hemen. Ostiralera arte egongo da horretarako tartea eta bi sarrera bikoitz eskuratzeko aukera egongo da.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
