Amurrio Antzokiko emanaldi berezirako motorrak berotu dituzte Burbuilak taldekoek Faktorian

Txabi Alvarado Bañares 2024ko ots. 24a, 15:59

Entsegu irekia eskaini zuen Aiaraldeko hirukoteak, dozenaka lagunen artean. 

Emanaldia eskaini zuten Burbuilak taldeko kideek atzo iluntzean Faktorian dozenaka lagunen aurrean. Giro informala nagusitu zen saioan, “entsegu irekia” eskaini baitzuen hirukoteak, motorrak berotzeko Amurrio Antzokian datorren astean egingo duten disko aurkezpenerako.

Gauzak hala, abesti batetik bestera salto egiten aritu ziren, kantuak elkarrizketa eta azalpen umoretsuekin tartekatuz. Ez ziren bakarrik egon kontzertu osoan, Izaro Otaegi ere igo baitzen eszenatokira abesti bat dantzatzera. 

Dantzari urduñarra izango da, hain zuzen, Amurrio Antzokiko datorren asteko emanaldian Burbuilakoekin egongo den sortzaileetako bat. Beraz gain, Jone Urruela, Patas de gansa dantza kolektiboa, Txema Isasi, Garazi Abrisketa eta Iratxe Gorostizaga egongo dira kontzertu berezi horretan. Martxoaren 1ean izango da zita, 20:00etan, eta sarrerak salgai daude dagoeneko, hemen. 

Lehen diskoa entzungai

Izar eta Irati Mendiguren Cosgaya ahizpek eta Izaskun Del Cerrok osatzen dute Burbuilak proiektua, eta urte hasieran plazaratu zuten sareetan euren lehen diskoa, Burubio Kultur Elkarteko Sustraia Records estudioan grabatutakoa: 

Kultura Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide