Aurreko diskoetan bezala, berak bakarrik jo ditu musika tresna guztiak, bateriak salbu, azken hauek programatu baititu. Generoari dagokionez, ez du rock musika baztertu, baina bestelako soinuak jorratu ditu: "rock gogor, psikodeliko, stoner, sludge, doom, instrumental, post rock edota space rock estiloak".
Abesti gehienak 2020an sortu zituen eta bi 2022an. 2023an ekin zion denak nahasteari eta orain sareratu ditu, kanta bakoitza irudi batekin osatu eta gero.
Bi plataformetan plazaratu du lana. Alde batetik, Bandcamp-en entzun daiteke. Hor badago aukera .wav euskarrian doan deskargatzeko, dagokion laukian 0 euro jarrita. Hala zehaztu du Ibarrak berak. Bestetik, Youtubeko kanala ere prestatu du musikariak.
Jadanik hiru lan aurkeztu ditu sortzaile laudioarrak bakarlari gisa. Punk doinuekin hasi zen eta gero eta soinu astunagoa lantzen ari da.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
