Euskal Herriko Topaketa Bolleroetan parte hartuko dute Orbeko Etxeak eta Txao Titisek, TERF diskurtsoaren kontrako borrokari buruz hitz egiteko

Aitor Aspuru Saez 2024ko apirilaren 6a

Orbeko Etxeko Txao Titis jaialdian egindako mahainguruaren irudia. / Aiaraldea.eus

Leitzan izango dira topaketak apirilaren 26an, 27an eta 28an eta Laudioko parte hartzaileak egongo dira.

Euskal Herriko Topaketa Bolleroak prestatzen ari dira une hauetan emakume lesbianen borrokari buruz hausnartzeko. Berez, jarduerak Leitzan izango dira apirilaren 26tik 28ra bitartean eta izena emateko aukera egongo da apirilaren 12ra bitartean.

Hiru eguneko egitarauaren barruan adierazpen artistikoak, kirola (kanariar borroka), hitzaldiak, otorduak, bertso saioak eta mahainguruak uztartuko dituzte.

Azken horietako batean, hain zuzen, Aiaraldeko bi ordezkari egongo dira. Eskualdeko bi lagun egongo dira Identitarismotik harago: TERF mugimenduaren kontrako borroka solasaldian, larunbatean 10:00etan. Alde batetik, Ira Pereirok hitz egingo du Txao Titis kolektiboaren izenean. Bestetik, Orbeko Etxeko kide batek hitza hartuko du azaltzeko zein ekintza burutu dituzten transfobia sustatzen duen diskurtsoaren kontra.

Gogoratu beharra dago irailean egin dela Txao Titis jaialdia Orbeko Etxean, non borroka transfeminista izan zen ardatza.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide