Iragan astean jakinarazi zuen LABek Imegar enpresak bere afiliatu bat kaleratu zuela lan sindikala egiteagatik. "Delegatu horrek langile asanblada batean salatu zuen enpresa irabazien banaketa bidegabea egiten ari zela. Enpresak informazio hau langileei ezkutatu egin die eta argitara atera den momentuan, errepresalia eta xantaiak bata bestearen atzetik etorri dira".
Hain zuzen, sindikatuak jakinarazi du bigarren afiliatu bat kaleratu dutela aste honetan. Horren ondorioz, langileek bi asanblada egin dituzte, "kaleratze hauen aurrean erantzuna artikulatu ahal izateko eta bi lankideak euren lanpostuetara bueltatzea eskatzeko". Bilera horietan adostu zuten mobilizazioekin hastea eta, erantzun positiborik jaso ezean, grebara jotzea.
Bi elkarretaratze deitu dituzte. Bihar (ostirala) egingo dute lehena, 13:30etatik 14:30etara, lantegiaren aurrean; eta berriz bilduko dira astelehenean, ordu eta toki berean. "Elkartasun eta borrokarako deia" luzatu du LABek, "bai lantokian, baita eskualdean ere".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
