Bob Dylanen kantak entzuteko aukera egon zen Faktorian larunbatean, Audience taldearen eskutik.
Hala ere, Laudioko espazioak ez zion euskararen arnasgune izateari utzi emanaldian zehar, musikari estatu batuarraren kanten euskarazko bertsioak plazaratu baitzituen talde gernikar beteranoak. Xabi Paya bertsolariak euskaratu zituen letrak eta, ondoren, Audienceko kideak arduratu ziren kantuak berrezaugarritzeaz.
Bob Dylan berrikusia lanean plazaratu zuten emaitza. Hori da gernikarrek orain arte kaleratu duten azken diskoa, 1999tik hona luzatu den ibilbide oparoaren azken lagina, momentuz.
Publiko zabala erakartzen ez duen arren, zaletu ugari pilatu ditu Audiencek 25 urte hauetan zehar. Hori argi ikusi zen larunbateko emanaldian: Ez zen emanaldi bereziki jendetsua izan, baina eskualdeko zein eskualdetik kanpoko lagun ugari bertaratu ziren gernikarren proposamen berria deskubritzera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide