Jarraipen oso zabala izan du Imegarreko lehen greba egunak, LABen hitzetan

Txabi Alvarado Bañares 2024ko api. 17a, 20:50
Piketeak egin dituzte langileen tailerraren sarreran. / LAB

Sindikatuak nabarmendu duenez, arduradunak eta aldi baterako langileen enpresen bidez kontratatutakoak soilik sartu dira tailerrean.

Oso jarraipen zabala izan du Imegarren deitutako greba mugagabearen lehen egunak, LABen hitzetan. Sindikatuak nabarmendu duenez, 12 langiletik hiruzpalau baino ez dira sartu goizeko txandan tailerrean lan egitera, eta guztiak direla arduradunak edo aldi baterako kontratatutako beharginak. Jakinarazi dutenez, antzeko egoera errepikatu da arratsaldeko txandan ere. Bulegoetan, aldiz, 4 langiletik batek egin du bat grebarekin. 

Grebalariek piketea egin dute lantegiaren sarreran txanda hasieretan, 5:30ean eta 13:30ean. Horrez gain, kotxe karabana osatu dute goizean herrian barrena.

Bihar (osteguna) elkarretaratzea egingo dute 11:30ean Laudioko Herriko plazan, merkatua dagoela probestuta. Ostiralean, aldiz, manifestazioan aterako dira Imegarretik herrigunera, 12:30ean. 

Aldarri bakarra dute beharginek: zuzendaritzak azken bi asteetan kaleratutako bi lankideak berronartzea. LABek salatu duenez, "lan sindikala egiteagatik" kaleratu dituzte biak, "enpresari buruzko informazio bat langile asanbladan partekatzeagatik":

Ekonomia Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide