Espetxean dago Rüdiger Terhorst Parter Capital inbertsio funtsaren bazkide zuzendaria. Berez, ELAk jakinarazi duenez, hedabide frantziarren informazioak jasota, Nanteseko aireportuan arrastatu zuen Gendarmeriak maiatzaren 14an, Nanterreko Epaitegiaren atxiloketa agindua jarraiki. Gero, epaitegiak berak kartzelaratu du ArjoWiggins enpresaren itxiera dela eta.
Konpainia horrek diru-papera asmatu zuen XVIII. mendean eta zailtasun ekonomikoen ondorioz erosi zuen Parter Capitalek. Funtsak 2018an bereganatu zuen konpainia eta urtebete baino gutxiagoan eraman zuen porrotera. Ez zien hornitzaileei eta langileei ordaindu eta 220 behargin kale gorrian geratu ziren.
Operazio horren ondorioz, Nanterreko Epaitegiak esku hartu zuen eta hainbat delitu ekonomiko leporatu zizkion Terhorsti, diru-zuriketa eta iruzurra, besteak beste. Urte ugariko akusazioak ditu Terhortsek eta administrazioaren susmoa da enpresaren diru guztia kontuetatik atera zuela, ArjoWiggins konpainiaren egoera ekonomikoa jasangaitza bilakatu arte. Edonola ere, epaiketa ez da oraindik izan.
Parter Capitalek Guardian multinazionalari erosi zion Autoglas enpresa, Glavista sortzeko. Egun, konpainia itxita dago eta Enplegua Erregulatzeko Espedientearen kontsulta epean daude.
Espainiako Estatuan epaiketa gehiago
Auzitegi Nazionala ere Parter Capital ikertzen ari da Alcoa enpresan egindako kudeaketa dela medio. Hain zuzen, María Tardón epaileak jakin nahi du zer gertatu zen Grupo Industrial Riesgok Parter Capitali bideratutako 13 milioi euroekin, hainbat paradisu fiskaletara bideratu zirelako.
Glavista
Horrez gain, gogoratu beharra dago Parter Capitalek Autoglas erosi ziola Guardian multinazionalari, Glavista sortzeko. Egun, konpainia itxita dago eta Enplegua Erregulatzeko Espedientearen kontsulta epean daude. Hain zuzen, aste honetan bildu dira langileen ordezkariak, lehiaketa administraria eta Guardian eta Parter Capitaleko abokatuak. Batzar horretan, Guardianek eta Parter Capitalek berriz ere uko egin zioten erosketa operazioaren dokumentuak langileei emateari, ELA sindikatuak jakinarazi duenez.
Izan ere, beharginen susmoa da iruzurra gertatu zela operazio horretan, beste leku batzuetan egindakoa errepikatuta.
Hala azaldu zion ELAko abokatuak Aiaraldea Komunikabideari auziari buruz eginiko elkarrizketan:
