Giro aparta sortu zuten atzo Unai Apraiz, Julen Pagazaurtundua eta Jokin Antsotegi umoregileek Aiaraldea Ekintzen Faktorian. Hirurak igo ziren oholtzara barreak eragitera eta publiko anitza eta giro etxekoia izan zuten.
Unai Apraizen kasuan bere debuta izan zen eta Laudio bera ardatz izan zuen bakarrizketan. Julen Pagazaurtundua laudioarrak ere ez zuen ahaztu eskualdeko egunerokotasuna eta Jokin Antsotegik, bere aldetik, ez zuen maila jaitsi.
Atzoko hitzordua Baka(i)rrizketak zikloaren bigarren saioa izan zen eta euskara, umorea eta bestelako diziplina arte eta adierazpenak sustatzea izan du helburu, Laudioko Udalaren laguntzaz.
Aiaraldea Ekintzan Faktoriaren jarduerak ez dira eten udan eta hurrengo astean, esaterako, kirol saioa eta Amaia Molineten saio irekia egongo dira.
Argazkiak: Izar Mendiguren
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide