Ertzaintzak 18 eta 21 urteko bi gizon atxilotu ditu Laudion ibilgailu bat lapurtzea egotzita

Oihane Ozaeta Fernandez 2024ko abuztuaren 22a

Ertzaintza Laudion, artxiboko irudi batean. / Aiaraldea.eus

Gainera, gidariak ez zuen gidabaimenik, eta bide-segurtasunaren aurkako ustezko delitu batengatik ikertzen ari dira.

Bi gizon atxilotu zituzten asteartean Laudion, aurreko egunean Gasteizen lapurtutako ibilgailu bat gidatzen harrapatu ondoren. Hala jakinarazi du Ertzaintzak prentsa ohar baten bidez. Atxilotuak, 18 eta 21 urtekoak, ertzain-etxera eraman zituzten beharrezko eginbideak egiteko, eta epailearen esku utziko dituzte datozen orduetan.

Bi bidaiariak identifikatu zituztenean, agenteek egiaztatu zuten gidariak ez zuela gidabaimenik. Beraz, bide-segurtasunaren aurkako bigarren delitu batengatik ere ikertzen ari dira.

Bestalde, autoaren miaketan bi arma zuri aurkitu zituzten, ibilgailuak lapurtzeko erabil zitekeen tresna bat eta zartarazi gabeko kartutxoak. Gainera, bi susmagarriek zenbait gramo droga zeramatzaten, ustez marihuana.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide