Bueltan da Bakardadeak Eskola ekimena. Irailaren 3tik, asteartetik, abenduaren 17ra arte programa zabal bat prestatu dute, nahi ez den bakardadean dauden pertsonei baliabideak eskaintzeko. “Ekimen honen bitartez bilatzen dena da ezagutza partekatzeko gune bat sortzea, topaketa eta esperientzien bidez komunitate bat eratzeko, bakardadearen inguruko mito eta beldurrak desmuntatuz“, adierazi du Aitor Fernandez de Pinedo Gizarte Kohesioko zinegotziak.
Jarduerak, asteartero
Irailaren 3an: Bigarren eskuko produktuak erosten eta saltzen ikasteko mugikorren tailerra
Irailaren 10etik urriaren 29ra arte: Zerbitzuaren erabiltzaileentzat biodantza ikastaroa
Azaroaren 5ean: Zaintzaileen autozainketari buruzko osasun-tailerra
Azaroaren 12an: Filma baten proiekzioa
Azaroaren 19an: Emozioei buruzko zineforuma
Azaroaren 26an: Psikologia eta kudeaketa emozionalari buruzko ikastaroa. Bi saio gehiago egingo dira abenduaren 3an eta 10ean
Abenduaren 17an: Ebaluazioa eta erabiltzaileen agurra
Bakardadeak Eskola
“Bakardadeak Eskola” ekimena 2021 iritsi zen Laudiora. 2022an, eta hiru hilabeteko esperientzia pilotuaren ondoren, Laudioko Udalak berriro jarri zuen martxan.
Laudio izan zen Bakardadeak Eskola izeneko esperientzia pilotua martxan jarri zuen Arabako lehen udalerria. 2021eko azken hiruhilekoan bultzatu zuen Arabako Foru Aldundiak ekimena, komunitatea sortzera, adimen emozionalari buruz ikastera eta dolu-prozesuak kudeatzera bideratutako zazpi ikastaroz osatutakoa.
2022an esperientziak formatu komunitarioagoa hartu zuen, Bakardadeak Eskola sarbide libreko topagune bihurtu zen eta udalerriko bizilagunen hitzaldiak, tailerrak eta doako ekimenak bildu zituen.
Ildo horretatik, ezagutza partekatu eta komunitatea sortzeko itzuliko da irailaren 3an Bakardadeak Eskola, bakardadearen inguruko mito eta beldurrak desmuntatuz.