Ateak itxiko ditu Ermualdeko Kumeak jatetxeak

Txabi Alvarado Bañares 2024ko irailaren 16a

Udalarena da taberna-jatetxea barne hartzen dituen eraikina. / Laudioko Udala

Kudeatzaile berria bilatu beharko du Udalak zerbitzua mantendu ahal izateko.

Azaroaren 10ean itxiko ditu ateak Ermualdeko Kumeak taberna-jatetxeak. Hala adierazi dute establezimenduko kudeatzaileek sare sozialen bidez. "Benetako plazera izan da, gure bezeroak hamarrekoak izan zaretelako", nabarmendu dute ostalariek.

Gauzak hala, Ermualdeko Etxerako kudeatzaile berria bilatzeari ekin beharko dio Udalak. Izan ere, tokiko erakundearena da eraikina, eta 2020tik zeramatzaten egungo kudeatzaileek bertan lanean. Berez, 10 urtez luzatu zezaketen kontratua gehienez, baina lehenago amaitzea erabaki dute.

Ez zen esleipen erraza izan. 2019ko abenduan atera zuten lehen lehiaketa publikoa, baina bertan behera utzi zuten, aurkeztu ziren pertsonek ez zituztelako eskatutako baldintza guztiak betetzen. Gauzak hala, baldintza horiek malgutu behar izan zituen tokiko erakundeak, eta horrela lortu zuen egungo kudeatzaileak proiektuak sartzea, 2020ko martxoan.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide