Emakume* Abertzaleen X. Topaketa Feministaren egitaraua aurkeztu dute

Elene Abaroa Zorrozua 2024ko urr. 22a, 16:00
Deskargatu Info Ahotsak :

2022ko Bilgune Feministaren Topagunea Oñatin. / Goiena.eus

Egun osoko egitaraua izango da eta azaroaren 6ra arte dago zabalik izen ematea.

Bilgune Feministak bi urterik behin antolatzen du Emakume* Abertzaleen Topaketa. Aurtengoa Laudion izango da azaroaren 16an. Euskal Herrian eta munduan dauden "erronka konplexuei" galdera eta erantzun posibleak bilatzeko helburuekin antolatu dute topaketa hau.

“Gorputz batek norabide batean hartzen duen hedadura” da aurtengo leloa. Antolakuntza eta militantzia feministaren dimentsioa hedatu nahi dute, esparru guztietan eraginez. "Proposamen integralak egiteko espazio eta denborak partekatu nahi ditugu", adierazi dute. Egun osoko egitaraua prestatu dute eta azaroaren 6ra arte egongo da izen emateko epea, esteka honetan. 

Egitaraua:
  • 9:30 // Izen ematea (Kiroldegian)
  • 10:00 // Harrera (Kiroldegian)
  • 10:30 // Solasaldia: Hitz egin dezagun kapitalismoaren bukaeraz (Kiroldegian)
  • 12:30 // Kafea (Kiroldegian)
  • 13:00 // Ariketa performatibo kolektiboa (Kiroldegian)
  • 14:00 // Bazkaria (Laudio BHIn)
  • 16:00 // Talde ariketa (Laudio BHIn)
  • 20:00 // Ekitaldi politikoa (Herriko plazan)
  • 22:30 // Kontzertua eta DJak: Berba Labanakaz, DJ Azkura eta DJ Latxironga (Faktorian)
Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide