Aretako Guraso Elkartea buru-belarri ari da lanean dokumentala egiteko. Izan ere, Aretako Herri Eskolak 100 urte bete ditu eta efemeridea ganoraz ospatu nahi dute. Abiatu dituzten ekimenen artean badago dokumentala egiteko asmoa eta horretarako herritarren laguntza eskatu dute.
Hain zuzen, hitzordua antolatu dute azaroaren 12an, 17:00etan, Aretako Kultura Etxean. Deialdiaren helburua da 1940 eta 1955 urteen artean jaiotako hezkuntza zentroko ikasle ohiak erakartzea, euren lekukotzak izateko eta egingo duten dokumentalaren oinarrietako bat izateko.
"Zure bizipenak, bitxikeriak eta garai horretako datuak beharrezkoak ditugu osatu nahi dugun DOKUMENTALArako. Momentu atsegina pasatuko dugu, tartean kafesnea hartzeko aukera ere izango dugu. Animatu zaitez, behar zaitugu!", adierazi dute egitasmoaren antolatzaileek sare sozialetan.
Berez, urriaren 2an abiatu zuten publikoki mendeurrena antolatzeko iniziatiba eta azaroaren 12ko bilerarekin urrats bat gehiago egin nahi dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
