"Ez zara fisioa, erasotzailea zara" lemapean, Mugimendu Feministak elkarretaratzea deitu du Laudion iganderako

Erredakzioa 2024ko abenduaren 27a
Deskargatu Info Ahotsak :

Laudion 2020an eraso matxista bat salatzeko egindako elkarretaratzea. / Aiaraldea.eus

13:00etan izango da elkarretaratzea Herriko plazan eta 'Euskal Herriko Salaketak' egitasmoan agertutako lekukotzen harira antolatu dute.

"Ez zara fisioa, erasotzailea zara" lema baliatuta, kontzentrazioa egingo du Mugimendu Feministak Laudioko Herriko plazan 13:00etan.

Leloaren zein mobilizazioaren jatorria 'Euskal Herriko Salaketak' ekimenean dago. Izan ere, Instagram kontu horren bitartez hainbat eraso matxistaren berri eman dute modu anonimoan eta eskualdeari dagokionez, Laudion lan egiten duen fisioterapeuta baten kasuak agertu dira.

Salatzaileek azaldu dute modu ezegokian ukituak izan zirela fisioterapeutaren aldetik, tratamenduarekin harremanik ez zuten gorputz ataletan eta hori erasotzat jo dute zalantza izpirik gabe.

Ez da lehen aldia horrelako salaketak azaleratzen direla, 2019an Aiaraldea Komunikabideak antzeko lekukotza bat jaso baitzuen.

Gauzak horrela, Laudioko Mugimendu Feministak 'Ez Isildu' galdetegia zabaldu zuen testigantza gehiago biltzeko.

Laudiokoak ez dira 'Euskal Herriko Salaketak' ekimenaren bidez bildu dituzten Aiaraldeko eraso matxista bakarrak, Amurrio eta Urduñako kasuak ere jaso baitituzte.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide