Kide berriak batu dira Laudioko Xake Kirol Klubera

Oihane Ozaeta Fernandez 2024ko abenduaren 30a

Laudioko Xake Kirol Klubeko kide berriak. / Laudioko Xake Kirol Kluba

Horietako batzuk elkartu ziren ostiralean, datorren urteko plangintza azaltzeko eta klubeko kamiseta berriak banatzeko.

Laudion xake zaletasunari bultzada emateko eta jokalari gehiago erakartzeko ekimenak abiatu zituen herriko xake klubak azaroan. Alde batetik, ate irekiak egiteari ekin zion ostiralero. Bestetik, klaseak eskaintzen hasi zen, eta modu horretan lortu dute kide berriak batzea taldera. Aurreko ostiralean horietako batzuk elkartu ziren, datorren urteko plangintza azaltzeko eta klubeko kamiseta berriak banatzeko.

Urtarrilean bertan hainbat txapelketa izango dituzte: jubenilena, emakumezkoena, taldekako liga...

Laudioko klubak Amurrioko eredua jarraitu nahi du proposamen horrekin. Amurrioarrek 45-50 kide biltzea lortu dute, lau klase taldeetan banatuta: bi umeentzat, eta bana helduentzat eta erretiratuentzat.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide