Guardianen itxiera

Martxoaren 3an abiatuko du Guardianek 171 langile kaleratzeko espedientearen prozesua eta mobilizazio berria deitu dute

Aitor Aspuru Saez 2025eko otsailaren 21a
Deskargatu Info Ahotsak :

Martxoaren 3an bertan elkarretaratzea egingo dute lantegian. / Aiaraldea.eus

Enpresak gaur jakinarazi die langile ordezkariei martxoaren 3an hasiko dela espedientea bideratzen.

Guardian enpresako Laudioko fabrikako 171 langileak kaleratzeko urratsak egiten jarraitzen du multinazionalak. Berez, gaur jakinarazi diote Enpresa Batzordeari martxoaren 3an hasiko dela enpleguak suntsitzeko espedientearen kontsulta aldia.

Sindikatuek argitu dutenez, egun horretan zehaztuko ditu enpresak prozesuaren dokumentazioa eta bileren datak, Laudion lan egiten duten beharginak kaleratzeko.

Mobilizazioak

Guardian konpainiako langileek egoera salatzeko elkarretaratzeak deitu dituzte. Atzo bertan zabaldu zuten otsailaren 28an Bilbon batuko direla SPRI sozietatearen egoitzaren aurrean, Eusko Jaurlaritzaren "jarrera pasiboa" dela eta.

Bestetik, eta jakinda kaleratze espedientearen prozedura martxoaren 3an abiatuko dutela, egun horretan 10:00etan kontzentrazioa egingo dute lantegiaren sarreran.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide