Atzo lapurreta egiteagatik atxilotutako gizonezkoek aurrekari ugari dituzte

Erredakzioa 2025eko otsailaren 21a

Atzoko atxiloketan parte hartu zuten hainbat ertzainek./ Aiaraldea

Ertzaintzaren prentsa kabineteak berak zabaldu du atzoko atxiloketei buruzko informazio gehiago. 52 eta 55 urte dituzte lapurrek eta auzokideek eman zuten gertakariaren berri.

Aiaraldea Komunikabideak atzo jaso zuen bi gizonezkoren atxiloketa Motxotekalen eta Ertzaintzak berak xehetasun gehiago eskaini ditu gaur prentsa ohar bidez.

Poliziaren arabera, 19:15ak aldera auzokide batek deitu zien salatzeko ezezagunak sartu zirela alboko etxebizitza batean.

Ertzainak Motxotekalen agertu zirenean, bi herritar topatu zituzten susmagarri bati heltzen eta ihesean joaten ari zen beste bat. Agenteek harrapatu zuten korrika ari zen gizona, eta bi susmagarriak miatzean, giltza-sorta bat, gakordeak eta etxebizitzan zegoen kutxa gotor bat topatu zituzten.

Gauzak horrela, 52 eta 55 urteko gizonezkoak atxilotu zituzten eta indarrez bitarteko lapurreta egotzi zieten. Dirudienez, aurrekariak dituzte eta gaur bertan igaro dira epaitegitik.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide