EH Bilduk prentsa oharra zabaldu du berresteko PSE-EErekin akordioa sinatu duela 2025eko udal aurrekontuak babestu ditzaten. "Laudiok bateratuta dauden alderdien gobernu bat behar du, elkarlanerako prest dagoena, baita besteen ekarpenak entzuteko eta gauzatzeko ere", adierazi du koalizioak. Ainize Gastaka alkateak erantsi du ildo politikoen gainetik herritarren ongizatea dagoela.
Halaber, EH Bilduk azpimarratu du zein puntutan egon den adostasuna PSE-EErekin:
- Komunitate energetikoak eta trantsizio ekosoziala sustatzeko premian.
- Parte hartze araudian sakontzean Kirol Kontseilua sortuta.
- Merkataritza bultzatzeko partida berrian.
- Harrera plana osatzean, gaur egun herriak bizi duen errealitateari aurre egiteko.
- Adinekoentzako jantokia sortzeko prozesurako baliabideak adostean.
- Gaztela, Andaluzia, Extremadura eta Galizia Etxeei dirulaguntza handitzean jarduerekin jarrai dezaten.
Horrez gain, udal gobernu taldeak iragarri du parte hartzerako prozesuen bitartez heldu diren proposamenak jasotzeko ahalegina egingo duela.