Greba berrabiaraziko dute bihar Laudioko zabor bilketa pneumatikoaren zerbitzuko langileek, ez baitute akordiorik lortu enpresarekin

Txabi Alvarado Bañares 2025eko martxoaren 11
Deskargatu Info Ahotsak :

Laudioko Maestro Elorza kaleko zabor pneumatikoko edukiontziak, instalatu egin zituztenean ateratako irudi batean. / Aiaraldea.eus

Hilabeteko greba deitu dute eta elkarretaratzeak egingo dituzte Galdakao, Barakaldo, Donostia eta Laudion, bertako udalek baitute kontratatuta Envac Iberia SA enpresaren zerbitzua. 

Ez dute akordiorik lortu Laudioko zabor bilketa pneumatikoaren zerbitzuko langileek gaur arratsaldean Envac Iberia SA enpresako zuzendaritzarekin izandako bileran eta, ondorioz, grebara joko dute bihar.

Hilabeteko lanuztea egingo dute beharginek, lan hitzarmen propioa lortzeko. Berez, gaur hasiko zuten greba, baina 24 orduko etenaldia egin dute azken unean, enpresak gaur arratsaldean biltzea proposatu die eta.

Galdakao, Barakaldo, Donostia eta Laudioko Udalei ematen die zerbitzua Envac Iberia SA konpainiak. Hori dela eta, ELA sindikatuak aurreratu du elkarretaratzeak egingo dituztela udalerri horietan, "Barakaldo eta Laudioko udaletxeen aurrean gehienbat".

Laudioko zabor jasoketa kudeatzen duten langileak estatuko hitzarmenaren menpe daude, "1.789 orduko lan jardunaldiarekin eta soldata prekarioekin", sindikatuak salatu duenez. 

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide