Gazteen artean xakearen praktika eta zaletasuna bultzatzeko, Laudioko Xake Kirol Klubak txapelketa egingo du martxoaren 28tik apirilaren 4ra bitartean.
14 urtetik azpiko kirolarientzako deialdia da eta parte hartzaile bakoitzak bost partida jokatuko ditu. Izena emateko interesa dutenek laudioxake@gmail.com helbide elektronikora mezu bat bidali behar dute.
Antolatzaileek aurreratu dute lehiatzen diren guztiek oroigarria izango dutela.
Harrobia sortzeko ekimena
Zaletasuna sustatu ez ezik, Laudioko klubak badu beste helburu bat ere horrelako egitasmoekin: jokalari berriak erakartzea. Izan ere, pasa den asteburuan laudioarrek lortu zuten Arabako Txapelketa irabaztea eta, ondorioz, Euskal Ligan arituko dira hurrengo denboraldian.
Gauzak horrela, kluba indartu nahi dute, exijentzia maila igoko baita, eta horretarako ezinbestekoa da jokalari gazte berriak batzea proiektura.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
