"Biziki deitoratu" du ELAk Guardianeko langileen gehiengoak iragan ostiralean hartutako erabakia, "multinazionalak plantillari egindako presioen ondorio" dela argudiatuta. Era berean, erakundeen papera ere salatu du sindikatuak, eta "Eusko Jaurlaritzaren paperan" jarri du begirada batez ere, "labearen itxiera irregularra baliozkotu baitzuen".
ELAko kideek nabarmendu dute Guardian epaitegietara bidaltzeko hautua defendatu zutela ostiraleko asanbladan, baina langileen gehiengoak egin zuten enpresaren proposamenaren alde.
Hala ere, ekoizpeneko beharginen artean oso estua izan zen emaitza: 67 langile lerratu ziren kalte ordaina onartzearen alde, eta 65k defendatu zuten epaitegietako bidearekin jarraitzea. Bulegoetako kideen artean, aldiz, 30 pertsonek bozkatu zuten enpresaren proposamenaren alde, eta hiruk baino ez zuten egin bat sindikatuen estrategiarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
