Euskal Herriko Torturatuen Sareak otsaila hautatu zuen nazio ekimena aurkezteko eta aldarrikatzeko herritar torturatuen lekukotza eta bizipenak beharrezkoak direla gizartearen oraina eta etorkizuna eraikitzeko.
Aiaraldean aurretik bilerak egin zituen eragileak eta tratu txarren praktika sufritu dutenen sarea ehuntzen jarraitu nahi du datozen bi hilabeteetan.
Horretarako lau hitzordu finkatu ditu Laudioko Kultura Etxean 18:00etatik 20:00ak arte maiatzaren 14an, 21ean eta 28an, baita ekainaren 4an ere.
Otsailean Kursaalen egindako agerraldian aurkeztutako karpetak banatuko dituzte interesdunen artean eta nahi dutenei zalantzak argitu eta nahi beste informazio eskainiko diete.
Gogoratu beharra dago Torturaren Aurkako Taldeak 90 kasu zenbatu dituela gutxienez eskualdean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
