Aretako jaiak ez dira soilik parrandarako eremua, kirolerako beta ere eskaintzen dute eta. Horren adibide argiena Areta Trail Lasterketa da. Inguruko mendiak zeharkatzen dituen proba VII. ediziora helduko da uztailaren 26an 18:30ean.
Kirolariek 13 kilometroko ibilbidea beteko dute, 750 metroko desnibelarekin eta antolatzaileek bi horniketa puntu prestatuko dituzte bidean, lasterkariak hidratatuta eta sasoian egon daitezen.
Parte-hartzaile kopurua mugatua da eta esteka honetan egin daiteke izen-ematea uztailaren 23ra arte, 15 euroren truke. Oraindik tokia egonez gero, egunean bertan bete daiteke inskripzioa 20 euro ordainduta.
Hirugarren aukera ere egongo da. Izan ere, Aiaraldea Komunikabideak dortsal bat zozkatuko du uztailaren 15ean, 15:00etan. Interesdunek hemen eman dezakete izena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
