Badoaz urratsak egiten Aretako Kultur Etxeko taberna berriz irekitzeko. Udalak lizitaziora atera du espazioaren ekipamendua. Hiru enpresa aurkeztu dira, eta Hostelco S.L.-k lortu du puntuazio altuena, 23.799 euroko eskaintza ekonomikoa eginda. Hala ere, esleipena formalizatu egin behar da oraindik.
Diru horrekin, taberna zein jatetxe zerbitzua eskaintzeko beharrezko tresna eta altzari guztiak jarri beharko ditu enpresak, Udalak lizitazioan emandako jarraibideak baliatuta.
Behin hori eginda, tabernaren kudeaketa lehiaketara ateratzea izango da hurrengo urratsa, Udalaren jabetzako beste azpiegitura batzuetan (Ermualdeko Zura jatetxean, kasu) eskaintzen denaren antzeko zerbitzua emateko.
Modu horretan, atezaintza zerbitzua ere bermatuko litzateke. Izan ere, azken urteetan Kultur Etxeko kideen esku geratu da espazioaren kudeaketa osoa. Eurak arduratu egin dira atea ireki eta ixteaz tailerrak, bilerak edo bestelako ekintzak egon direnean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
